Naharang sa checkpoint it Kalibo MPS ru motorsiklong tinakaw sa Legaspi St., Poblacion Lezo, Aklan kaian’t aga-aga.
Sa report, sangka menor de edad ru naga maneho it motorsiklo matapos sitahon it mga pulis dahil sa uwa’t may maipakitang dokumento.
Eagi man nga gin impound ru motorsiklo sa impounding area it Kalibo MPS ag indi eon makita ru menor de edad.
Sa makaron, naga padayon pa ru imbistigasyon it mga kapulisan.//MARIVIC Y. ILIN