GINA-DISCOURAGE na sa taga City Social Welfare and Development Office ang katawhan sa pag-donate og used clothings sa mga nabiktima sa sunog sa purok Saeg, Brgy.Calumpang.
Kini ang gibutyag ni OIC city social welfare and development officer Edelina Salazar tungod kay nanghinobra na ang mga sanina ingon man hot meals tungod may rationing na sila nga ginahimo.
Sa latest nga ihap sa nabiktima sa sunog, mokabat na kini sa 537 ka pamilya human sa gihimong cleansing sa listahan.
Sa kasamtangan anaa sa 150 pa ka pamilya ang anaa sa evacuation center sa Romana Elem.School samtang ang uban anaa sa ilang mga paryente ug uban nakapangita og balay na marentahan.
Gipasalamatan usab sa CSWD ang mga nadawat nga hinabang alang sa mga nasunugan ug karon ginaatiman na ang mahimong kabalhinan sa mga nahisgutan sa pakig-alayun sa City Housing.
Kahinumduman nga nakapaabot na ug hinabang sa ikaduhang higayon ang Brigada Group of Companies pinaagi sa KaBrigada Foundation gikan mismo sa kompanya ug sa mga ni responde sa panawagan, gipangunahan mismo sa Ama ng Brigada, Brigada Elmer V. Catulpos ang paghatud ug hinabang sa mga nabiktima sa sunog sa Purok Saeg, Barangany Calumpang.
Samtang gihisgutan sa inter agency meeting nga siradhan ang gate sa eskwelahan asa didto karon ang mga nasunugan aron nga dili na makadiretso og hatod sa mga hinabang ug ipaagi na lang sa barangay.