GIBUTYAG mismo ni National Task Force Against COVID-19 Chief implementer Secretary Carlito Galvez Jr. nga sugdan ang pagbakuna sa mga anaa sa A4 kun kadtong mga personnel sa essential sector.
Kini ang gipadangat sa nahisgutang opisyal atol sa pagbisita niini sa GenSan tungod sa bahad sa Delta variant.
Wala pay kaso sa Delta variant ang GenSan apan giangkon ni Galvez nga peligroso tungod kay may mga backdoor nga mahimong agian sama sa mga naggikan sa Indonesia ug Malaysia mao hugtan ang mga border areas.
Sa kasamtangan giangkon niini nga gipaspasan na ang pagbakuna sa mga anaa sa fishport ug cannery tungod sila ang mga vulnerable.
Dugang gibutyag ni Galvez nga ang mga empleyado usab sa gobyerno kinahanglang bakunado na pag-abot sa Agosto.
Segun niini, adunay 5 million nga Sinovac vaccine nga moabot paghuman sa Hulyo ug 3 million nga Moderna vaccine. Ipang-apod apod usab daw ang maong mga bakuna base sa ihap sa unvaccinated nga A1 hangtud A3.