NALUOY si Former Buayan kapitan Melencia Ortiz kang Kagawad Marieta Mission sa nahitabo kaniya nga hinimuan mismo sa ilang kapitan nga si Rogelio Solis.
Segun ni Ortiz, kaila niya ang pamilya Mission tungod ihada niya kini sa kasal ug magkauban sila kaniadto sa partido.
Luyo sa paglaparo og baso nga may tubig ngadto sa walang mata ni Mission, nagtuo si Ortiz nga tinuod ang gisulti sa kagawad tungod nailhan niya si Solis nga maayo muhimo og istorya.
Nagtuo si Ortiz, nanukad ang kasuko ni Solis sa pagpasaka niini ug bana ni Marieta kaniadtong pareho pa silang kagawad sa Barangay Buayan tungod sa pagkabangga sa mini dumptruck nga gimanehuan ni Solis sa usa ka depasaheruang jeep.
Dise siete ka tuig usab bag-o migawas ang desisyon sa RTC with finality asa ginapabayad si Solis og hangtud sa P1million pesos. Sa karon wala pay tubag si Solis tungod kanunay nga wala kini sa iyang balay ug bisan sa barangay hall dihang giadtoan sa Brigada, hinuon abli gihapon ang istasyon sa tubag sa kapitan.