Nagkarambola ang walo ka mga sakyanan nga miresulta sa Physical injury ug multiple damage to property alas-3:25 kagahapon sa hapon, Hulyo 21, 2023.
Sa inisyal nga imbestigasyon sa kapulisan, gisubay sa walo ka mga sakyanan ang Carlos P. Garcia Highway padulong Ulas gikan sa nore nga bahin.
Sa dihang miabot sa lugar diin nahitabo ang aksidente, miliko ang Trailer Truck nga gimaneho ni Mario Bayer Dequit Jr., 24 anyos, ulitawo ug residente sa Prk Green, Tampakan, South Cotabato ug nabangga kini sa Vios nga gimaneho ni Raffy Balajadia Favila, 40 anyos, minyo ug residente sa Upper Glad,1,Midsayap, Cotabato.
Human sa maong bangga sa duha ka sakyanan, laing dumb truck nga gimaneho ni Antiola Egagamao, 35 anyos, nga taga-Crossing S., Marilog, ang nibangga sa fortuner nga gimaneho ni Francisco Lecito Barrina, 61 anyos, nga taga- Prk. Maliwanag, Calumpang, General Santos City, ug Motorsiklo nga gimaneho ni Errol Art Garcia, 49 anyos nga taga-214 Guijo St., Palm Vill., Obrero. Gumikan sa maong impact naduso ang fortuner sa trailer truck.
Tugod sa maong bangga, angol ang driver sa motorsiklo, ug ang duha ka pasahero sa fortuner ug daling gidala sa mga miresponding paramedics sa Brgy. Catalunan Grande Ambulance ngadto sa Davao Doctors Hospital, Quirino.
Samtang wala pa masuta kung pila ang damyos sa nahitabong bangga.