Sangka wing van truck ro tumakilid kaina it agahun sa may national highway sa Sitio Musdak, Brgy. Unidos, Nabas, Aklan.
Ro nasambit nga truck nga halin sa Oriental Mindoro hay ginamanehu ni Junjun Escarez 42yo ag paagto kunta it Iloilo.
May sakay man raya nga tatlong pahinante.
Parehung nag angkon it minor injuries ro tanan nga sakay it wing van nga dinaea man eagi it Nabas MDRRMO sa Ibajay District Hospital.
Sa report, tumakilid ro nasambit nga truck matapos maeubong ro kariton kara sa mahumok nga porsyon it eugta bangud sa pag-inuean.
Pero bandang alas 7:30 kaina it agahun hay naging passable eonman ro nasambit nga area sa mga behikulong paagto it Caticlan, Malay, Aklan and vice versa. / ANN DESLENE SALAZAR