Nakataeana nga pasakaan it kasong Grave Coercion ag pag eabag sa Republic Act 10591 o Comprehensive Law on Firearms and Ammunition ro 13 ka mga guwardiya nga pwersahang nagsueod sa sangka lote sa Sitio Malabunot, Brgy. Manocmanoc sa isla it Boracay ku Abril 8 it agahun.
Base sa police report, armado ro nasambit nga mga guwardiya kat sudlon ro nasambit nga lote kung siin, sambilog sa mga complainant hay ginhadluk ag ginpaeukpan it sambilog sa mga guwardiya.
Insigida man raya nga ginrespondehan it Malay MPS, 2nd Mobile Company ag Malay MPS SWAT Team ag sa pakikipag negosasyon it Team Leader nga si PLT Arnel Belonio, eubusan nga nadis-armahan ro mga suspek nga guwardiya. // ANN DESLENE SALAZAR