Nagdumara hin Medical ngan Dental Mission an mga personnel han 14th Infantry “Avenger” Battalion, Philippine Army ha pira nga barangay ha Baybay City.
Pira ha mga nakabenipisyo nga barangay an Brgy Amguhan, Brgy Monterico, Brgy Kabunga-an, Brgy Maypatag ngan Brgy Ampihanon han Baybay City
Maabot naman ha 101 nga benipisyaryo an nakatagam-tam hin libre nga panbunot hin ngipon, 39 ha libre nga turi, 56 ha pan-arot, 359 an libre nga check-up ngan 499 naman an nakatagam-tam hin libre nga medisina.
Ha pamaagi han mao nga outreach program, mababaton an mga healthcare needs han mga mulopyo nga waray akos ig-garasto.
Basar ha unit, nga deri hira maundang ha paghahatag hin serbisyo ha mga mulopyo para ha ikadudukwag han kumunidad.