ANDAM na ang duha ka tulunghaan sa GenSan alang sa pilot run sa limited face to face classes. Kini ang gibutyag ni Romelito Flores, Schools Division Superintendent sa Department of Education (DepEd) sa dakbayan.
Matud ni Flores, gihulat na lang nila ang guidelines gikan sa central office kung kanus-a sugdan ang limitadong face to face class. Sa siyudad, ang Aspang High School ug Aspang Elementary School sa Barangay San Jose ang gitugotan niini.
Human gikonsidera ang lugar nga ‘minimal-risk’ sa Covid-19 ug nakapasar sa gihimong ‘safety assessment’ sa Department of Health. Sa gipagula nga resolusyon sa ahensiya, ang moapil nga estudyante ang kinahanglan og ‘parent consent’ Samtang ang pilot run face to face classes ang kumbinasyon sa face-to-face classes sa tulunghaan ug distance learning modalities sulod sa duha ka bulan. Ipahigayon usab ang kini ‘half-day’ matag semana.
Kahibaloan nga naa sa 100 ka public school ang apil sa pilot run face to face classes samtang dunay 20 ka pribadong tulunghaan ang padayong gina-assest karon kung tugotan. ( Richel Gubalani)