Pilason ang duha ka driver sang motorsiklo matapos ang nagluntad nga aksidente sa Sitio Ilaya, Barangay Salocon, Panitan, Capiz takna 5:20 kahapon sang Huwebes.
Ginkilala ang driver sang suzuki kay Joel Bautista, 57-anyos, lineman kag residente sang nasambit nga lugar.
Samtang ang driver sang Rusi amo si Mark Diaz, 28-anyos, mekaniko kag residente sang Barangay Palanguian, Maayon, Capiz.
Sandig sa imbestigasyon sang Panitan Municipal Police Station, samtang ginasubay ni Bautista ang dalanon nagikan sa ila puluy-an padulong kuntani sa ila garahe, paliko na kuntani si Bautista apang aksidente ini nga nabungguan sang motorsiklo nga ginamaneho ni Diaz.
Bangud sini, lunsay nagkalatumba ang mga ini kag nag-angkon sang mga pilas sa magkatuhay nga parte sang ila lawas.
Ginpadangat sa magkatuhay nga ospital ang duha para sa nagakaigo nga pagbulong.
Ginapahayag, madasig ang pagpadalagan sang motorsiklo ni Diaz sang natabo ang aksidente. | Judy Ann Juare