Patay ang duha ka lalaki samtang kritikal ang usa homan nga gipanigbas sa Purok 3 Poblacion, lungsod sa Sugbongcogon Misamis Oriental.
Lakip sa nakabsan sa kinabuhe si Ronie Pagalang ug Gerald Laniton samtang kritikalsi Junie Laniton, polus taga lungsod sa Salay sa nahisgutan nga lalawigan.
Naila sab ang mga suspek nga sila si Joshua Padero, 34-anyos ug ang amahan niini nga si Rudy Padero, 59-anyos nga taga Sugbongcogon.
Gibutyag ni Sugbongcogon Municipal Police Station, Chief of Police, Police Captain Gil Caday nga naka-abot ang mga biktima sa Sugbongcogon isip mga bisita tungod fiesta sa nahisgutan nga lungsod, diin usa sa mga biktima naka-minyo sab og taga Sugbongcogon.
Apan sa wala pa mahitabo ang pagpanigbas, daan na matud pa nga dunay panagbikil ang mga biktima ug suspek.
Una na matud pa nga gipasangenlan sa mga biktima ang suspek nga nangawat og sundang. Hinungdan nga ang suspek iyang gipatawag sa brgy. ang mga biktima kay gipasangenlan nga nangawat og sundang.
Homan sa pagpanigbas, boluntaryo nga mitahan sa kapolisan ang suspek nga si Joshua Padero, samtang ang amahan niini lakip nga gidala sa kapolisan sa ilang presinto gikan sa crime scene.
Giklaro sab ni Captain Caday nga basi sa claim sa usa sa mga biktima, walay direkta nga partisipasyon sa pagpanigbas ang amahan gawas lamang sa gihimong pag-hulhog niini sa iyang anak hinungdan nga ang anak nga si Joshua milaras og tigbas sa tulo ka biktima.