MISAKA na sa 3.6 milyon o 93.41% sa total nga populasyon ang narehistro sa Philippine Identification System (PhilSys). Kini base sa datus sa Philippine Statistics Authority (PSA).
Gitawag usab kini og PhilSys ID card. Tumong sa programa ang makamugna og single national identification system sa tanang residente sa Pilipinas. Matud ni Atty. Maqtahar Manulon, director sa PSA-12 ang nakab-ot nga datus ang luyo sa hagit nga naagian nila sa pagparehistro.
Giawhag usab ni Manulon ang wala pa nakaparehistro nga magparehistro na. Nagpasalamat ang opisyal sa mga LGU sa pagtabang kanila aron makab-ot ang taas nga ihap sa nakaparehistro sa PhilSys. Samtang wala usab nalakip sa nagparehistro ang edad 5-anyos paubos. Labing daghang narehistro ang gikan sa probinsiya sa Cotabato nga nakatala og 1.1 milyon, gisundan Sarangani ug GenSan nga dunay 1.045 milyon.
Naa usab sa 755,183 sa South Cotabato 755,183; 650,643 Sultan Kudarat. Nadeliber na usab ang 1,433,022 PhilID Cards samtang 2,561,566 sa electronic PhilID. I Richel Gubalani