Nag positibo sa drug testing ru 3 truck drivers matapos parahan sa daeanon ag gin paidaeom sa random drug testing sa operasyon it mga otoridad.
Base sa record it Land Transportation Office (LTO)-Aklan, 3 sa kabilugan nga 30 ka mga drivers ru gin paidaeom sa nasambit nga drug testing nga gin himo it operasyon.
Pahayag it LTO-Aklan, ingkasong mag positibo sa confirmatory test mabahoe ru posibilidad nga maga pangatubang it kasong pag-eabag sa Republic Act 10586 o Anti-Drunk and Drugged Driving Act of 2013.
Samtang, igabalik ru driver’s license sa mismong tag-ana oras nga maging negatibo sa drug testing.
Sa makaron, gina hueat pa ru confirmatory test result it 3 mga truck drivers.//MARIVIC Y. ILIN