MISAKA na sa 39 ka drug cases ang napasaka sa Philippine Drug Enforcement Agency (PDEA) 12 sa piskalya gikan Enero ning tuiga.
Kini gikan sa mga ‘sole’ anti –narcotics operation nga gilusad sa ahensiya gikan Enero hangtud Marso ning kasamtangang bulan.
Asa mokabat na sa 14 katao ang ilang nasikop gikan sa nagkadaiyang bahin sa Soccsksargen region.
Asa naa sa 37.738 gramo sa gituohang shabu ang nakumpiska gikan sa mga operasyon nga gilusad.
Matud ni Kath Abad, tigpamaba sa PDEA-12 nakatutok sila sa operasyon ug programa aron konhuran ang problema sa iligal nga droga kauban ang kapulisan.
Gisiguro usab ni Abad nga ‘air tight’ ang gipasaka nilang kaso batok sa mga nadakpang personalidad.
Kahibaloan nga pipila ka drug cases nga gipasaka sa mga pulis sa GenSan ang nabasura sa piskalya gumikan sa teknalidad. I Richel Gubalani