MIANI og nagkadaiyang reaksyon gikan sa publiko ang pagpagula og datus sa kapulisan sa rehiyon-12 sa pag-ubos sa ihap sa krimen.
Matud ni Elaine Militante, street food vendor sa GenSan wala siya kadungog og dagkong krimen ug nabati niyang luwas sa iyang pagpangabuhi.
Butyag usab ni James Bartolini, estudyante ang presensiya sa kapulisan sa mga kadalanan sa GenSan ang hinungdan sa pag-ubos sa krimen.
Sa datus nga gipagula sa Police Regional Office (PRO) 12 nakalabay’ng adlaw, napatik nga miubos og 31.80% ang crime volume sa rehiyon-12 sa unang kwarter sa tuig.
Nakatala ang PRO-12 og 311 focus crime ubos og 145 tandi sa 456 nakalabay’ng tuig sa susamang panahon ang focus crime.
Ang focus crime mao ang murder, homicide, physical injury, robbery, theft, vehicle theft, motorcycle theft ug rape.
Wala na gipagawas sa PRO-12 ang ihap sa natala nilang kaso sa ubang focus crime apan ang rehiyon ang nakatala og 61 karong tuiga. I Richel Gubalani