Gipailawum na sa skin grafting ang upat lima ka mga samarong sundalo nga sakay sa C-130 military plane crash sa Patikul, Sulu human sila gibalhin dinhi sa Davao City sa miaging semana.
Sumala kang Dr. Arnulfo Mapayo, Plastic Surgeon Vice Director sa Southern Philippines Medical Center (SPMC) Burn Unit, ang usa ka sundalo nga ulahing naabot niadtong Biyernes ang gipailawum dayon sa maong operasyon tungod sa naangkon nga grabeng sunod sa ubos nga bahin sa iyang lawas.
Gidugang sa doktor nga, stable na ang kondisyon sa mga biktima nga pulos naggikan sa isla sa Mindanao base sa ilang medical profile ug gikatakdang ibalhin sa Camp Panacan Station Hospital alang sa rehabilitation.
Lauman nga wala na matud pay laing sundalo ang dad-on sa SPMC sanglit mayorya sa mga biktima sa C130 mishap ang wala ra girekomenda nga ipailawum sa nakaangkon og major skin grafting operations.
Sa laing bahin, gihaya na karon sa Naval Forces Eastern Mindanao sa Camp Panacan ang mga abo ni 1LT KARL JOSEPH T HINTAY human nga kini niabot Sabado sa gabie dinhi sa Davao City nga gisugat sa full military honors.
Ang abo sa fallen soldier nga lakip sa mga casualty sa trahedya ang ipahimutang sa Forest Lake Memorial Park, Maa, Davao City.
Kahibaluang gi-cremate ang patay’ng lawas ni Hintay sa pagbuot sa iyang inahan didto sa Cebu kung asa ang headquarters niini, ayha kini gidala sa Davao.
