MALINAWONG nisurender ang lima sa pito ka mga sakop sa kulto nga Pinatikan Religiuos Group nga unang niikyas gikan sa Davao Oriental Provincial Jail sa Mati City human nila giatake sa miaging Sabado.
Kauban sa pito ka detainees ang ilang lider nga si Cornelio Galon III ug lain pang 17 ka mga sakop nag responsible sa pagsulong sa pasilidad.
Mismong si Governor Nelson Dayanghirang ang niatubang ug nidawat kanila kagahapon human sila mitahan sa kasundaluhan sa Sitio Sawidan, Barangay Tagbinonga sa siyudad sa Mati.
Kahinumdumang sa maong pag-atake usa ang napatay nga myembro sa maong grupo.