Nakadawat na sa ilang sweldo ang 76 ka mga residente sa Brgy Punao , kinsa unang benipisyaryo sa TUPAD Program o Tulong Panghanapbuhay Sa Ating Disadvantage Displaced Workers ilawom sa Department of Labor and Employment Program.
Sa pagpanguna sa Public Employment Service Office kon PESO uban sa mga opisyales sa Brgy Punao , gipang-apod-apod kagahapon ang tig- 3,950 pesos sa matag benipisyaryo , kita sa ilang pulo ka adlaw nga pagtrabaho sulod sa nahisgutang brgy.
Matod pa ni Erel Lim , PESO- IN-CHARGE nga laing 81 na usab ka mga indibidwal nga gikan sa maong brgy ang gikatakdang motrabaho sunod bulan ubos gihapon sa TUPAD Program nga gipondohan sa Office Of The Congressman ug sa Unang Distrito sa Negros Occidental samtang ang mga benipisyaryo nga gikan sa Brgy Buluangan gikatakda usab nga magsugod sunod semana.
Nasayran nga target sa lokal nga kagamhanan nga makabenipisyo ang 1, 500 ka mga residente sa syudad saq maong programa karong tuiga .///