Nagpulong kahapon ang Schools Division Office ng Olongapo City tungkol sa magiging pasok sa eskwela ng mga mag-aaral.
Ito ay dahil na rin sa labis na init ng panahon na nararanasan ngayon sa iba’t ibang panig ng bansa.
Ayon kay ASDS William Fallorin, ipapatupad muna ang Alternative Delivery Mode kung saan walang face-to-face classes sa hapon ang mga estudyante maliban na lamang kung air conditioned ang kanilang mga classroom.
Sa umaga ay papasok ang mga ito sa eskwelahan at sa hapon habang nasa bahay ay gagawin ng mga ito ang mga gawaing ibibigay ng mga guro.//Jen Bayot-BNFM OLONGAPO
