GRABE ang pagtaas sa aktibong kaso sa COVID-19 ning dakbayan sa Oroquieta, nga napun-an pag-usab ang mga apektado, nga anaa sa 216, diin adunay 30 nga bag-ong nataptan sa virus, samtang 4 natalang nakarekuber sa maong sakit.
Gipagula kini nga datos sa City Health Office ning dakbayan, karong adlawa Septyembre 13 ning tuiga, nga adunay natala nga 32 ka mga empleyado sa gobyerno ang apektado, 40 ka mga senior citizen, 11 ka mga health care worker, ug 113 ka mga ordinaryong lomulopyo ang natakbuyan sa maong makamamatay nga sakit.
30 ka mga barangay dinhi sulod sa siyudad nagakikan ang mga nangataptan .
Samtang, mitaas na sa 64 ang gikatalang namatay sa Covid-19, diin adunay duha ang bag-ong natakbuyan sa maong sakit.-BNFM Oroquieta
