Nakataeana nga ipangaean ro sangka barkong pang giyera it Estados Unidos sa sangka Aklanon.
Raya hay si Telesforo Trinidad nga taga Brgy. Polo, New Washington, Aklan.
Igasunod ro nasambit nga pangaean sa nasambit nga Aklanon bangud sa ginpakita kara nga kaisug ag kabaganihan sa American Navy kato pang 1915.
Nasayuran nga si Trinidad eamang nga kabahin it US Navy ro gintaw-an it nasambit nga pasidungog.
Kaeakip man si Trinidad sa masobra 250,000 nga mga suldadong Pinoy sa World War 2.
Nasayuran nga gin-abisuhan eon it US Navy ro igbata ni Telesforo ku Abril nga ro barkong pang giyera hay igapangaean eon sa USS Telesforo Trinidad DDG 139.
Si Telesforo De la Cruz Trinidad hay sangka fireman 2nd class sa United States Navy nga nagbatun it Medal of Honor bangud sa ginpakita kara nga kabaganihan sa Mexican waters samtang sakay it USS San Diego ku January 21, 1915. / ANN DESLENE SALAZAR