Hinatulan ng 27 taong pagkakakulong ng korte ang Cambodian opposition leader na si Kem Sokha dahil sa kasong treason.
Ayon kay Judge Koy Sao ng Phnom Penh court, sinentensiyahan ang lider dahil sa paratang ng pakikipagsabwatan sa mga dayuhan na ginawa sa Cambodia at iba pang mga lugar.
Ang 69-taong-gulang na si Sokha ay joint founder nang ngayo’y na dissolved ng Cambodia National Rescue Party.
Matapos ang hatol, agad na dinala si Kem Sokha sa kanyang tahanan, kung saan siya ilalagay sa ilalim ng house arrest at pinagbawalan na makipagkita sa sinuman maliban sa mga miyembro ng pamilya.
Inalis din ng korte ang kanyang karapatang bumoto at pinagbawalan siyang tumakbo sa anumang posisyon sa pulitika.//CA