BOLUNTARYONG mitahan sa kaugalingon ang driver sa bus human nga iyang nabanggan ang construction worker alas-9:00 sa gabii sa milabay’ng adlaw sa Ramon Delos Cientos St, Poblacion dos, Bansalan, Davao Del Sur atbang sa University of Mindanao Bansalan Campus.
Sa gipahigayong imbestigasyon sa otoridad, naggikan ang Hino Mindanao Star Bus nga gimaneho ni Roco Ido Sumarinas , 36, ug residente sa Bugac Ma-A, sa Cotabato City ug padulong kini dinhi sa syudad sa Davao.
Sa dihang miabot sa lugar nahitabo ang aksidente, kalit nga mitabok ang biktima nga nailang si Danilo Culano, nga taga- Sta. Maria Davao Occidental sa pikas linya, hinungdan nga nabanggaan kini sa bus.
Daling gidala sa Mabama hospital sa Bansalan, apan gideklarang patay ang biktima sa attending physician niini nga si Dr.Pebbles V. Mulato.
Kasamtangan, anaa na sa prisohan ang driver human nga boluntaryong mitahan sa kaugalingon human sa panghitabo.