COTABATO CITY – NAKAPAGTALA kahapon June 21, 2021 ang Cotabato City ng 28 panibagong kaso ng COVID-19. Ito ay base sa pinakabagong tracker na inilabas ngayong umaga ng Bangsamoro Inter Agency Task Force on Covid19.
Sa ngayon nasa 322 ang aktibong kaso ng virus sa lungsod, 162 dito ay admitted at 160 naman ang nasa facility quarantine.
Samantala, masayang ibinahagi ngayon ni City Health Officer Doctor Meyasser Patadon na nakapagtala ang Cotabato City ng record high sa maraming nagpabakuna sa loob lamang ng isang araw.
Sa facebook post ni Dr. Patadon, kanyang sinabi na abot sa 621 na mga indibidwal ang nabakunahan mula sa limang vaccination site matapos na simulant ang rollout vaccination sa lungsod. Sa kabuuan nasa 𝟏𝟔,𝟑𝟐𝟐 ang nabakunahan na ng COVID-19 vaccine ito ay mula sa Priority Groups A1 hanggang A3.