Subling mihimo og pagpamakuna batok sa coronavirus disease 2019 (COVID-19) alang sa A2 category ( Senior Citizens) ang tulo ka mga siyudad sa Metro Cebu nga gilangkuban sa dakbayan sa Sugbo, Mandaue ug Lapu-Lapu karong adlawa, Mayo 17, 2021.
Kini human nakadawat og 27,000 ka doses sa AstraZeneca vaccine ang syudad sa Sugbo, samtang 22,700 doses ang nadawat sa Mandaue ug 7,600 doses ang nadawat sa dakbayan sa Lapu-Lapu gikan sa Department of health (DOH-7).
Nasayran nga miabot na sa 4,876 ka mga senior citizen ang nabakunahan sa dakbayan sa Sugbo, kapin 2,000 sa Mandaue ug 1,820 sa Lapu-Lapu.
Samtang padayon usab ang pagsaka sa ihap sa mga senior citizens nga nagparehistro alang sa Covid-19 vaccination.
Kahinumdoman nga gihunungan sa makadiyot ang pagpamakuna sa maong mga syudad sanglit nahurot na ang suplay sa bakuna niadtong mga nilabayng semana.