Napakyas, naminghoy ug nasubo ang tanan nga naglaum nga dunay kabag-ohan sa filing sa Certificate of Candidacy (COC) kagahapong adlawa ilabi na kang Davao City Mayor Sara Duterte-Carpio.
Kini human walay mipatim-aw nga Mayor Inday o bisan kinsang representante niini aron mohikay og cancellation sa iyang kandidatura.
Sumala kang Atty. Alim sa Comelec, walay cancellation nga nadawat ang ilang buhatan ug gitataw nhmga mahitabo lamang ang kanselasyon atol mismo sa filing samtang ang withdrawal mamahimonh himoon hangtud Nobyembre 15, 2021.
Kahibaluang pila ka oras ayha anh deadline, gibarugan sa Mayor ang iyang mga naunang pamahayag nga tapuson ang nahibiling usa ka termino sa syudad luyo nga dunay pagduda sa posibilidad sa mahitabong substitution.
Mas nisamot ang pagduda sa kadagahanan nga duna pay dakong kalambuan sa dagan sa kandidatura dihang nihikay sa iyang COC pagka-presidente si Sen. Ronald Bato dela Rosa ubos sa partidong PDP-Laban. BNFM-Davao
