LEGAZPI CITY – Nagpatanid an Department of Health (DOH) Bicol dapit sa trangkaso orog na ngunyan na BER months.
Segun kay Dr. Monrey Isaiah Mancilla, an pamayo kan Non-Communicable Disease Control and Prevention asin Health Promotion and Communication Cluster, importante na maaraman kan kada indibidwal sa komunidad kun papano maibetaran an trangkaso ngunyan na tig-uran nganing dai na umabot pa sa mga komplikasyon.
Dapat su boot na tama an pag-ugas ki kamot, magin an pagtaklob kan dungo asin ngimot pag maabo.
Dugang pa niya, pag may namatean nang malain, dapat mag-inom ki dakol na tubig asin magpaingalo.
Katakod pa digdi, sinabi pa niya an importansya kan pagpapabakuna kontra sa naunambitang helang nganing magin protektado asin dai na umabot pa sa kagadanan.
Mientrastanto, mapuon an bakunahan ngunyan na enot na semana kan Oktubre kun sain prayoridad kan ahensya an mga indigent senior citizens asin makaka-avail sinda kaini nin libre; mantang sa pangaduwa hasta pang-apat na semana, magigin abilable man an bakuna sa mga non-indigent senior citizens depende sa supply.
Pig-eenganyar ninda an publiko na magpabakuna kontra sa helang na ini nganing dai na madugangan pa an mga kaso sa bilog rehiyon magin sa nasyon.