MIAPELA ang doktor sa GenSan sa sakop sa Local Inter- Agency Task Force on Covid-19 (IATF) nga hugtan pa ang patakaran batok sa virus. Matud ni Dr. Fidel Peñamante, presidente sa GenSan Medical Society angayang dungagan pa sa IATF ang gihimong lakang batok virus.
Kini human giangkon sa LGU nga hapit na mapuno ang hospital occupancy sa GenSan tungod sa pagdagsa sa Covid-19 patient.
Asa misaka usab ang kaso sa severe case sa virus nga miresulta sa pagsaka na sa critical level sa ICU occupancy. Dugang niini, gikaalarma niini ang datus nga migula asa 50% sa natakboyan sa virus ang pulos asymptomatic.
Una nang, gibutyag ni Atty. Arnel Zapatos, city administrator nga wala nila gikonsidera karon ang subling pagbalik sa Enhanced Community Quarantine (ECQ) luyo sa padayong pagsaka sa kaso sa virus. . (Richel Gubalani)
Photos from PNA