BICOL – PADAGOS an apela ngunyan kan Department of Social Welfare and Development o DSWD-Bicol sa publiko na suportaran an saindang ipigbobosol na adbokasiya katakod kan legal na pag-aampon.
Segun sa ahensya, obheto kan legal addoption na matawan an mga aking inabandonar o pinabayaan kan saindang magurang na agkaigwa nin sarong harong na maataman asin mapadaba sa sainda.
An legal na pag-aampon man an sarong paagi nin pagpapahayag nin espesyal na pagkamoot kan magurang sa saindang mga inampon na aki nin huli ta an tunay na pagkamoot iyo an mayo sa dugo, kundi nasa puso.
Magigiromdoman na sarong short video contest para sa saindang mga regional offices an ipiglansar kan ahensya katuwang an National Organizing Committee kan 2021 Adoption Consciousness Celebration kun saen nakamit kan DSWD-Bicol an ikatolong pwesto sa entry kaining “Tay, Nay.”
Obheto kan nasabing contest na pakusugon an promosyon nin legal adoption advocacy sa nacion aisn mapataas an kamalayan kan publiko dapit digdi siring man mapara an soboot “stigma” sa ramon na adoption o pag aampon.
Nagin kalakaran na soboot kaya sa nacion an pag aampon na dai na nag agi sa tamang proseso dahil sa salang pagtubod na an legal na paraan an mas haloy asin mahal.
Tema ngkan selebrasyon kan adoption consciousness ngunyan na taon an “Pagmamahal Palaganapin, Legal na Pag-aampon Ating Gawin!” or “Spread Unconditional Love through Legal Adoption.”