Boluntaryo nga sumurindir an duha nga miyembro han Communist Terrorist Group ha kapulisan han 1st Eastern Samar PMFC Headquarters ha Brgy. 15 Lunang, Dolores, Eastern Samar.
Kinilala an mga sumurindir nga hira alyas “Aki”, usa nga Non-PSR listed ha ilarom han Sub-Regional Committee, BROWSER, Eastern Visayas Regional Party Committee, ngan alyas “Kaykay”, Non-PSR Listed Member, miyembro han PKM (Pambansang Kilusan ng Magsasaka) ha usa nga CTG Pseudo Government ha ilarom han Front-3, Sub-Regional Committee, ARCTIC, Eastern Visayas Regional Party Committee.
Dara ni alyas ‘Aki” ha pagsurindir an usa nga rifle grenade ngan hi alyas “Kaykay” naman in usa nga unit caliber .357 revolver ngan usa nga fragmentation grenade.
Ini in resulta han panalimbasog han mga Intel personnel han1st Eastern Samar Provincial Mobile Force Company kasugbong an Eastern Samar Provincial Intelligence Unit ngan 801st Maneuver Company, RMFB 8.
An mga surrenderee in aada na ha ilarom han proteksyon han 1st ESPMFC Headquarters para ha safekeeping, debriefing ngan ginhuhulat an resulta han validation han Joint AFP-PNP Intelligence Committee (JAPIC) samtang an mga iginsurindir nga pusil ngan mga explosives in nai-turn over ha Supply Section para ha kaangayan nga disposisyon.