Sangka eaeaki ro nadakpan sa curfew ag naboe-an pa it homemade shotgun sa may banwa it Makato, Aklan.
Ginkilaea ro suspek nga si Haris Taladtad 27yo it Brgy. Tina, Makato.
Sa report, bandang ala 1:30 it kaaganhun kat mag-imporma sa Makato PNP si Brgy. Kapitan Elynel Gallardo it Calimbajan, Makato nga nakit-an kara ro suspek maeapit sa likod it andang baeay.
Sa pagresponde it Makato PNP, naboe-an ro suspek it sangka homemade shotgun ag karit.
Sa makarun hay sa kustodiya eon it Makato PNP ro suspek nga nagapangatubang sa kasong pag eabag sa Omnibus Election Code ag BP 881 as amended by RA 7166 in relation to Comelec Resolution 10728. / ANN DESLENE SALAZAR