Laraw sa pipila ka mga foreign investors nga mubobo sa ilang puhanan dinhi sa dakbayan sa Davao human sa natigayon nga sisterhood agreement.
Sumala pa ni Davao City Investment Promotion Center (DCIPC) Officer-in-Charge April Marie Dayap, nga lakip sa interesado nga mamuhunan sa syudad mao ang European ug Chinese nga mga negosyante.
Mipadayag og interes kang Davao City Mayor Sebastian Duterte ang usa sa mga delegado sa syudad sa Zhangzhou nga mitambong sa maong event nga magtukod og partnership isip twin park city.
Ang Twin Park City nagpasabot sa pagtukod ug mga industrial zones, ug kung ma-establisar ang maong mga zones magdala ang nahigsutan og 1,000 ka kompanya gikan sa Zhangzhou.
Kalakip sa mga area nga interesado ang mga investors mao ang service industries, diin aduna nay mga negosyo nga misaad nga mamuhunan sa siyudad; ang industriya sa agribisnes, hilabi na sa Durian para sa China; ug food manufacturing industry.