Gihingusgan ni Councilor Beth Bagunoc, Chairperson sa Committee on Health sa Sanguniang Panlungsod nga iyang paningkamotan nga maaprubahan ang ginapangandoy nga CT scan nga alang sa Doctor Jorge P. Royeca Hospital (DJPRH).
Segon ni Konsehal Bagunoc nga iyang barugan ang bisan unsang lakang nga makapamoderno sa nahisgotan nga balay tambalanan.
Dugang pa sa opisyal nga siya ang dakong pabor nga paliton ang maong himan nga alang sa mga pasyente nga kinahanglan ma-CT scan.
Saysay pa niini nga miuyon nalang siya nga paubsan ang pundo gikan sa P100-milyon ngadto sa P85-million apan dili gyud kini mosugot nga wagtangon tungod sa talagsa lang kini mamahimong prayoridad nga ekipo nga alang sa pampublikong balay tambalanan.
Kahinumdoman nga gipamahayahag ni Dr. Ryan Aplicador ang Chief of Hospital sa DJPRH nga importante kanila nga mga doktor nga makunhoran ang kalangan sa pagtratar sa mga pasyente ug ang pagdesisyun kon maoperahan alang sa taas nga survival ug dili usab sila makaakto kung walay CT scan.