Pinag-iisipan ng celebrity couple na sina Hyun Bin at Son Ye Jin na gumawa ng legal na aksyon sa isang content creator na nagsimula umano ng tsismis na sila’y maghihiwalay na.
Noong nakaraang linggo, isang video ang na-upload sa YouTube na nagsasabing nagkasundo umano ang mag-asawa na magkaroon ng diborsyo dahil sa financial losses na dulot ng pagsusugal umano ni Bin sa ibang bansa.
Sinabi rin sa video na naghiwalay na ang mag-asawa noong Marso pagkatapos ng anim na buwang kasal. Ayon sa Crash Landing On You” co-stars, hindi tama ang mga ipinakalat na impormasyon dahil halos isang taon nang kasal ang dalawa.
Ang na-upload na video ay tinanggal na ngayon sa youtube.//CA