Giangkon sa Department of Human Settlement and Urban Development (DHSUD)-XI ang pagtumaw sa ubay-ubay ka mga illegal subdivision projects sa Davao Region ilabi na dinhi sa Davao City.
Sumala kang DSHUD-XI regional director Atty. Roberto Palma Gil, moabot sa 225 ka Notices of Alleged Violation (NOAVs) ang naisyu sa ahensya batok sa mga ilialnga subdibisyon sa rehiyon.
Pinakadaghan niini sa Davao City nga moabot sa 89; 42 sa Island Garden City of Samal (IGaCoS), 38 sa Davao de Oro; 38 sa Davao del Norte, 12 sa Davao Oriental, ug unom sa Davao del Sur.
Gipasabot sa opisyal sa publiko nga legal ang usa ka subdivision project kung kini titulado, gibahinbahin na nga duna og walay pagpaayo adunay mga sertipikasyon o papeles gikan sa LGU ug ahensya.
Samtang ang iligal subdivision mao ang pagbaligya sa mga raw lots nga nalakip sa agricultural ang zoning classification ubos sa Certificate of Land Ownership Awards (CLOA), walay preliminary subdivision development plan gikan sa local government unit (LGU), walay development permit gikan sa LGU, ug walay certificate of registration gikan sA DHSUD.
Kasagaran matud pa sa mga developer mogamit lamang og business permit.
Miapela usab si Palma Gil sa Business Bureau nag dili i-renew ang mga developers nga naisyuhan sa DHSUD og NOAV.
Padayong gimonitor ug gnagukod sa ahensya ang mga illegal subdivision projects ilabi na niadtong nagsige pa og advertise sa ilang pagbaligya og raw lots.
Kahibaluang niadtong 2020 nadakpan ug nakasuhan ang usa ka Salma Grande, illigal subdivision developer, apan pipila sa mga complainants ang miatras ug ulahi kining namonitor sa Tagum City nga padayon sa pagpangolekta alang sa iyang iligal nga aktibidad.BNFM-DAVAO
