HUGOT nagpasalamat ang usa ka miyembro sa KaBrigadahan GenSan sa gihatag nga wheelchair ngadto kaniya pinaagi usab sa pagtinabangay sa mga miyembro.
Matud ni Jerlyn Ocmar, 32 anyos nga dili na siya maglisod sa iyang paglihok lihok ug mas gipakamayo nga mokamang na lang tungod dili usab anad sa saklay.
Human nangayo og tabang, gidungog sa mga miyembro ang iyang pag-ampo ug personal gihatod ni Idol Brigada Elmer V. Catulpos ang maong wheelchair sa panimalay ni Ocmar.
Nasayran nga naputol ang tuo niini nga tiil tungod sa gangrene aron maluwas pa ang iyang kinabuhi.
Karon nga may wheelchair na mas makahimo na kini sa iyang mga gimbuhaton isip inahan sa unom ka buok anak ug may gamay pa kini nga anak nga 4-anyos.
Padayun usab nga ginapasalamatan ni Idol Brigada Elmer ang mga miyembro sa KaBrigadahan Gensan nga maoy mga tinuod nga bayani sa pagtabang sa ilang isig katawo.