CAMARINES NORTE- Nagsagawa ng special household assessment ang Department of Social Welfare and Development (DSWD) Region V National Household Targeting Section (NHTS) para sa mga benepisyaryo ng Modified Conditional Cash Transfer na hindi napabilang sa Listahanan 3rd round of national household assessment.
Ito ay sa pakikipagtulungan sa mga kawani ng Pantawid Pamilya Pilipino Program-Modified Cash Transfer (4Ps-MCCT) mula sa iba’t-ibang probinsya sa Bicol.
Kabilang sa mga pinuntahan ay ang miyembro ng Indigenous group dito sa Camarines Norte.
Noong nakaraang buwan ay nagsagawa ng face-to-face training ang Listahanan para sa mga kawani ng Pantawid Pamilya upang ibahagi sa mga enumerators at area supervisors ang mga proseso sa pagsasagawa ng house-to-house interview gamit ang Household Assessment Form (HAF).
Ayon sa DSWD, nasa kabuuang 434 na mga sambahayan sa rehiyon ang sumailalim sa special household assessment.
(Courtesy: DSWD Region V)
