OLONGAPO-Idinaan na lang ng Barangay Sta Rita, Olongapo ang pagdiriwang ng fiesta sa pamamagitan ng community pancit.
Ito ay para maramdaman ng mga kabarangay ang fiesta kahit dumaranas ng krisis dahil sa corona virus pandemic.
Matatandaan na dati ay mayrong malaking salo-salong ginagawa ang barangay para sa mga mamamayan pero dahil sa mahigpit na health protocols na ipinapatupad ay minabuti na lang na magdeliver ng pancit sa mga bahay-bahay.
Ayon naman sa barangay kapag natapos na ang kalbaryong dulot ng covid-19 ay ibabalik ng barangay ang dating nakaugaliang selebrasyon.//Michelle Lopez-BNFM OLONGAPO
Photo Courtesy: Batang Sta. Rita Ako