WALA nadayon ang wedding reception sa usa ka kasal nga nakatakda na sa usa ka nindot nga function hall sa Barangay San Isidro, GenSan gumikan sa General Community Quarantine kun GCQ status nga ni-epekto Mayo 25 hangtud Hunyo 30 sa kasamtangan nga tuig.
Sa impormasyon gikan sa usa ka event organizer subay usab sa iyang gi- post sa social media nga si Glicen Lou Monton Momo sumala niini ‘nagsugod na unta og decorate akong flourist sa dihang among nadungog ang balita unya ang hukom sa couple, ikansela ang ilang wedding reception.’
Nasubo ako alang sa kaslunon ug sa co- suppliers apan nasayod ako nga adunay tumong ang tanan, sa karon lets be safe ug sundon ang kamandoan sa gobyerno as we aim to heal as one. Virtual hug to everyone in the event industry.
Makita sa mga hulagway nga gi post sa organizer nga andam na gayod ang dekorasyon sa wedding reception og sa dugang impormasyon gi- andam na usab sa flourist ang mga preskong bulak nga idugang sa on the day nga dekorasyon.
Gidugang sa organizer nga ang lalaki nga kaslunon usa ka sundalo nga nag leave sa kampo mobalik na sa iyang duty mao nga kanselado gayod ang kasal samtang naka gasto na ang kaslunon. Tungod niini nagalaum ang organizer nga may mabalik nga kantidad sa salapi nga gihulog alang sa receptionuog gown aron nga mabalik usab kini ngadto sa kaslunon. (Ever Diazon)