NAGPADAYAG ug pagsuporta si Idol Brigada Elmer Catulpos, presidente sa General Santos City Chamber of Commerce and Industry Incorporated (GSCCII) ang Executive Order number 25 sa LGU-GenSan nga nagpailalom sa GCQ sa GenSan.
Giawhag usab ni Catulpos ang katawhan nga makig-kooperar sa maong kamanduan aron mahimong walay dugang problema unya nga sagubangon.
Alang sa personal nga panglantaw sa Ama ng Brigada, dako gayud ang epekto niini labi na sa mga ordinaryong empleyado ug gagmayng negosyante.
Gani bisan sa mga essential nga industriya nga gitugutan ilalom sa GCQ, mahimong maapektohan gihapon sa kaulahian tungod wala man silay kitaon tungod walay kwarta ang ordinaryong tawo nga maoy gapalit sa ilang produkto.
Sugyot ni Catulpos nga paminawon sa mayor ang tanang sector bisan sa ulahi kini ang modesisyon .
Gani gidugang niini kung napatuman lang sa husto ug giistriktohan sama karon sa GCQ ang unang mga E.O sa syudad, dili unta mosangko sa mas istriktong community status asa daghan ang apektado.
Nanghinaut na lamang kini nga malingkawasan sa mga katawhan ang kalisod ug mihangyo nga magtibangay sa pagsunod sa mga health protocols inubanan sa pag-ampo.