KORONADAL CITY- NILINAW ngayon ng Securities and Exchange Commission o SEC- Region-11 sa Davao City na hindi rehistrado ang JTS/JE humanitarian wealth foundation.
Ito ang kinumperma ni Leslie Francisco, information officer ng SEC-11 sa ipinadalang text message ng 95.7 Brigada News FM Koronadal.
Ayon kay Francisco, una na umanong nagpaalala ang Department of Social Welfare and Development o DSWD hinggil sa operasyon ng nasabing foundation sa kabila na hindi ito rehistrado.
Dagdag pa ni Francisco na mismo si Tagum City Mayor ng Davao Del Norte ay nagpaalala din sa publiko na pumapasok sa JTS/JE humanitarian foundation.
Matatandaan na inihayag ng DSWD-12 na kailangang rehistrado sa SEC at DSWD ang lahat na mga foundation o social welfare and development agencies o SWDA sa lugar kung saan nag-ooperate.
