Mi-apela karon si PNP Chief PGEN. Benjamin Acorda Jr. sa mga government agency ug mga Local Government Unit nga magtibanga batok sa problema sa insurhensiya sa Nasud.
Gibutyag ni PGEN. Acorda Jr. nga anaa ang nagkadaiyang programa sa gobyerno nga makahatag og kabag’ohan sa mga mitahan nga kanhi sakop sa mga walhong pundok.
Sama sa E-CLIP o Enhanced Comprehensive Local Integration Program nga maoy dalan sa pagtunol og assistance ug supporta sa mga mitahan balik sa Gobyerno.
Sigun pa sa PNP Chief nga magsugod ang insurhensiya kung asa naputol ang dalan sa kabukiran nga maoy hinungdan nga nadani ang mga pipila ka indibidwal nga mosalmot sa mga rebeledeng grupo.
Pasabot nga kung asa nga lugar wala na kaayo matagae sa pagtagad sa Gobyerno o mga gitawag nga Geographically Isolated and Disadvantaged Areas (GIDAS) didto gasugod ang dili maong idolohiya.
Niini naninguha ang PNP Chief nga pinaagi sa pakighiusa ug pagtinabanga sa kinatibok’an hingpit ng matuldokan ang insurhensiya diin isa kini sa dugay ng problema sa nasud.
Hisayrang sa gipahigayon nga Command Visit ni PNP Chief PGEN. Acorda Jr. sa PRO-10 mokabat sa 43 ka mga kanhi rebelde lakip ang 16 ka mga armas ang gipresenta ug natagaan sa mga nag-unang assistance sama sa E-CLIP.