Skills-mismatch maoy nakit-ang hinungdan ni PESO o Public Employment Service Office Head Kathleen Kate Surilla nganung usahay ubos ang employment rate sa ubang lugar.
Sigun kang Surilla, ang ubang aplikante dili gakakuha tungod kay dili bagay sa skills nga iyang gihuptan apan wala gi-discriminate sa PESO ang mga aplikante nga wala makuha sa usa ka employer. Duna sab pipila ka aplikante nga mahadlok mosulod sa trabaho nga dili bagay sa ilang mga kursong gikuha.
Bisan pa niini, gi-aghat gihapon sa PESO ang tanan nga mobalik pag-apply ug dili mawad-an sa paglaom nga makuha sa trabahong para gyud sa ila.
Nanawagan sab si Surilla sa tanang nangita og trabaho nga mobisita lang sa PESO aron makapasa sa ilang application letter.