Naka-abot sa deadline sa pagsumiter sa Statements of Contributions and Expenditures (SOCE) kagahapon, Nobyembre 29, 2023 ang 20,849 ka mga kandidato sa milabay nga Barangay ug Sangguniang Kabataan Elections (BSKE) sa Sugbo.
Matod ni Omar Mamalinta, ang tigpamaba sa Comelec Cebu Province, wa silay nakitang milapas sa gitugot nga limitasyon sa paggasto sa Comelec, diin P5 lang ang angay nga igahin sa matag kandidato alang sa matag botante.
Giklaro pa niini nga ang sobra nga paggasto, giisip nga ilegal.
Samtang subling gipahibaw ni Comelec chairman George Garcia nga ang mga mapakyas sa pagduso sa ilang SOCE, mag-atubang og kasong administratiba ug uban pang related case.//