MIKABAT na sa 771 ang kinatibuk-ang kaso sa Covid-19 nga nakarekuber sa dakbayan sa Oroquieta, hangtod kaniadtong Hulyo 22 ning tuiga, diin adunay 5 nga nadugang sa mga recoveries sa siyudad.
Miubos sa 25 ka aktibong kaso sa COVID-19 ang mga indibidwal ang natakdan, diin kompara sa nakalabay’ng semana, mas migamay ang sa karon, bisan paman sa nadugang nga 4 ka bag-ong nataptan sa maong sakit nga anaa isolation facility para matambalan.
Subay kini sa datos nga gipagawas sa Oroquieta City Health Office, kaniadtong Hulyo 22, ning tuiga.
Samtang, sa kinatibukan, mukabat na sa 30 kabuok ang gikatahong patay sa nasangpit nga virus, o walay natalaang namatay pa og nagpabilin kini sa maong ihap.
Giawhag sa lokal nga kagamhanan nga pahugtan ang pagsunod sa health protocol, ilabina nga aduna napod laing variant ang nakasulod sa nasud. _BNFM Oroquieta
