Nagdangat na sa 275 ang nabalhag nga kaso sang Hand, Foot and Mouth Disease sa probinsya sang Capiz base sa pinakaulihi nga report sang Provincial Health Office (PHO).
Sandig sa datos sumugod Enero 1 tubtob Hulyo 15, 2023, naglab-ot na sa 275 ang nabalhag nga kaso sang HFMD. Mas manubo ini kun ikumparar sa 283 ka kaso nga narekord sa probinsya sang Capiz sa kapareho nga period sang 2022.
Ang nasambit ang balatian ang tuga sang virus nga makalalaton kag masami nga naga apekto sa kabataan nga nagaedad 5 tubtob 10 ka tuig.
Kalakip sa sintomas sini ang masakit kag nagapalamula nga baba; rashes sa panit nga may mapula nga pintok kag butlig, masami makit-an sa mga palad sang kamot, sa dapa dapa, sa buli kag sa genital area; lagnat; maluya; wala gana magkaon; gahubag kag masakit nga tutunlan.