Arestado ang isa ka lalaki, matapos makuhaan sang indi lisensyado nga armas-luthang sa Barangay Balogo, Pilar Capiz.
Ginkilala ang nadakpan kay Jomar Balaos, 36-anyos kag residente sang Barangay San Antonio sa nasambit nga banwa.
Ginapahayag nga samtang nagapatigayon sang oplan bakal sita ang mga katapo sang Pilar MPS nakit-an sang mga ini nga may yara sang ginabitbit nga isa homemade .45 caliber pistol si Balaos.
Bangud sini, gilayon ini nga ginpalapitan sang kapulisan agud pangayuan sang nagakaigo nga dokumento apang napaslawan si Balaos nga magpakita sini.
Magapangatubang ang naaresto sang kaso nga paglapas sa Republic Act 10591 ukon ‘Comprehensive Firearms and Ammunition Regulation Act’.
Sa karon, nagapabilin ini sa paghinakop sang Pilar Municipal Police Station, para sa nagakaigo nga disposisyon. | KMD Gicalde