Gikatakda nang sugdan sa Department of Public Works and Highways (DPWH) ang konstruksyon sa duha ka 2.3 kilometer tunnel nga anaa sa tungang bahin sa Davao City Bypass Road Project sa Southern Mindanao, nga gipondohan sa Official Development Assistance (ODA) sa nasud Japan pinaagi sa Japan International Cooperation Agency (JICA).
Matud ni Secretary Mark Villar, niabot na ang ubang mga ekipo alang sa road tunnel construction luyo sa giatubang nga hagit tungod sa pandemya.
Subay sa gipagawas nga report Undersecretary for Unified Project Management Office (UPMO) Operations Emil K. Sadain, sugdan kini sa unang semana sa Hulyo karong tuiga kung asa gamiton sa konstruksyon ang mga ekipo sama sa tag-upat ka unit sa drill jumbo, concrete spraying machine, ug articulated dump
Samtang subay usab sa gihimong project coordination meeting kabag-ohay lang tali kang Undersecretary Sadain, UPMO Roads Management Cluster 1 (Bilateral) OIC Project Benjamin Bautista og Mr. Shinichi Matsumoto, nga anaa na sa 60 percent ag ang konstruksyon sa mga access roads alang sa pagpangandam sa himoong tunnel.
Nasayrang ang kinatibuk-ang bypass road adunay gitas-ong 45.5 kilometer nga gibahin sa unom ka packages: package I-1 (10.7 km), package I-2 (12.8 km), package I-3 (6.1 km), package II-1 (2.7 km), package II-2 (3.5 km), and package II-3 (9.7 km).
Manukad ang proyekto sa Davao-Digos Section sa Pan-Philippine Highway sa Brgy. Sirawan, Toril Davao City hangtod sa Davao-Panabo section sa Brgy. Laurel sa Panabo City nga gilaumang makasulbad sa suliran sa trapiko ug makunhuran ang oras sa byahe sa syudad gikan sa usa ka oras ug kwarentay kwatro minutes ngadto sa 49 minutos via Pan-Philippine Highway Diversion Road.
Gipondohan ang proyekto ilawum sa Official Development Assistance (ODA) sa Japanese Government pinaagi sa Japan International Cooperation Agency (JICA).BNFM-DAVAO