TUKMANG KALIPAY ang gibati sa usa ka pamilya sa Purok 14, Block 11, Barangay Fatima, General Santos City human nakadawat og wheelchair ilang amahan.
Si Eddie Montepalco, 55-anyos ang kanhi laborer sa usa ka fishing company ang na-ospital atong Hunyo 30 ning tuiga.
Didto nasuta nga naangkon kini og skin cancer tungod niini giputol ang walang tiil.
“Dako akong pasalamat nga naabot na akong dugay nang gipangandoy nga makakita nako sa view gawas sa among balay.”
Lisod kanila sumala pa ang mopalit sa wheelchair tungod kay mahal kini og salapi nga gihatag sa ilang nga nagtrabaho sa delivery service.
Ang paigo lang alang sa ubang palaliton partikular na sa pagkaon sa pamilya sa matag adlaw.
Inay mopalit og wheelchair, unahon na lang ang pagpalit og pagkaon ug ubang panginahanglan, butyag ni Eddie.
Si Montepalco, ang usa sa benepisyaryo sa Kabrigadahan- GenSan ug wheelchair ang mismong gihatag ni Idol Brigada Elmer V. Catulpos sa iyang panimalay.