Medellin DRRMOWALA panumbalinga sa Medellin Disaster Risk Reduction Management Office ang kabati sa panahon, kadangog sa mga agianan ug ang kakusog sa hangin niadtong Sabado, Pebrero 18, 2023 aron lang maluwas ang usa ka lalaki nga mikatkat sa usa ka TelcoTower sa Poblacion sa maong lungsod aron unta magpakamatay.
Human nga nadawat sa DREAM Rescue Team ang maong assistance pinaagi sa ilahang emergency hotline niadtong alas 11:30 sa adlawng Sabado, dali silang miresponde niini.
Malampuson nilang naluwas ang maong 24-anyos nga lalaki og gidala sa Rural Health Unit (RHU) alang sa medical assessment pasado alas 02:00 sa hapon.
Giubanan ang maong lalaki sa iyang pamilya ug usa ka personnel sa Municipal Social Welfare and Development Office (MSWDO).
Ang rescue operation gipangulohan sa Municipal Disaster Risk Reduction and Management Office uban sa koordinasyon sa kapulisan, BFP, kasundalohan ug Rhajeev Torres.///Michelle Craste